యంగ్ అండ్ డైనమిక్ హీరో అఖిల్ అక్కినేని, స్టైలిష్ మేకర్ సురేందర్ రెడ్డిల మోస్ట్ ఎవైటెడ్ పాన్ ఇండియా ప్రాజెక్ట్ ‘ఏజెంట్’ థియేట్రికల్ విడుదలకు సిద్ధమవుతోంది. ఈ చిత్రం ఏప్రిల్ 28న ప్రపంచవ్యాప్తంగా గ్రాండ్గా థియేటర్లలో సందడి చేయనుందని అధికారకంగా ప్రకటిస్తూ ఇంట్రెస్టింగ్ ప్రోమో విడుదల చేశారు.
ఈ ప్రోమోలో అఖిల్ని కుర్చీకి కట్టేసి, తలకు మాస్క్ కప్పారు. అతను పని చేస్తున్న ఏజెన్సీ గురించి అడిగినప్పుడు, “ఒసామా బిన్ లాడెన్, గడాఫీ, హిట్లర్” అని సమాధానమిచ్చాడు అఖిల్. ముఖం అంతా రక్తంతో నిండి.. తనని తాను ‘సాలే కాదు వైల్డ్ సాలే…బోల్’ అని అఖిల్ చెప్పడం క్యూరియాసిటీ పెంచింది.
విడుదల తేదీ గ్లింప్స్ చాలా వైల్డ్ గా ఉంది . అఖిల్ పాత్ర యొక్క వైల్డ్ సైడ్ను ప్రజంట్ చేసింది. అఖిల్ ఈ చిత్రంలో పొడవాటి, గిరజాల జుట్టుతో విభిన్నమైన గెటప్స్ లో కనిపించనున్నారు. ఈ సినిమా కోసం స్టైలిష్ మేక్ఓవర్ అయ్యారు. సిక్స్ ప్యాక్ అబ్స్తో కనిపిస్తాడు. సురేందర్ రెడ్డి ఈ చిత్రాన్ని ఇతర స్పై థ్రిల్లర్లకు పూర్తి భిన్నంగా రూపొందించారు.
సాక్షి వైద్య అఖిల్ కు జోడిగా నటిస్తోంది. మమ్ముట్టి కీలక పాత్రలో కనిపించనున్నారు. రసూల్ ఎల్లోర్ కెమరామెన్ గా పని చేస్తుండగా, హిప్ హాప్ సంగీతాన్ని అందిస్తున్నారు. అజయ్ సుంకర, దీపా రెడ్డి సహ నిర్మాతలుగా వ్యవహరిస్తున్న ఈ చిత్రం తెలుగు, హిందీ, తమిళం, కన్నడ, మలయాళ భాషల్లో విడుదల కానుంది.