ఐకాన్ స్టార్ అల్లు అర్జున్ నటించిన పుష్ప మూవీ పాన్ ఇండియా గా విడుదలై అన్ని భాషల్లో భారీ విజయం సాధించింది. ముఖ్యంగా నార్త్ లో రూ.80 కోట్లు వసూళ్లు చేసి బాలీవుడ్ బాక్స్ ఆఫీస్ వద్ద బన్నీ సత్తా చాటాడు. ఈ క్రమంలో ఈ నెలలోనే మరో మూవీ తో నార్త్ ప్రేక్షకులను అలరించబోతున్నాడు.
రెండేళ్ళ క్రితం బన్నీ హీరోగా, త్రివిక్రమ్ డైరెక్షన్ లో రూపొందిన సూపర్ హిట్ యాక్షన్ ఎంటర్ టైనర్ ‘అల వైకుంఠపురములో’. ఈ సినిమా కూడా బన్నీకి అద్భుతమైన క్రేజ్ తెచ్చిపెట్టింది. ఇందులోని పాటలు, బన్నీ డ్యాన్స్ అభిమానుల్ని ఏ స్థాయిలో అలరించాయో తెలిసిందే. ఈ నెల 26న ఈ సినిమా హిందీ వెర్షన్ ను విడుదల చేయబోతున్నారు. ‘పుష్ప’తో బన్నీ తెచ్చుకున్న సూపర్ క్రేజ్ ను దృష్టిలో పెట్టుకొన్న మేకర్స్ ఈ నిర్ణయం తీసుకున్నారు. బాలీవుడ్ క్రిటిక్ తరణ్ ఆదర్శ్ ఈ విషయాన్ని తెలుపుతూ ఓ ప్రత్యేక పోస్టర్ ను షేర్ చేస్తూ ట్వీట్ చేశారు.
