చిరంజీవి జెట్ స్పీడ్ లో ఉన్నాడు..వరుస పెట్టి సినిమాలను సెట్స్ పైకి తీసుకొస్తూనే..యంగ్ డైరెక్టర్స్ కథలు వింటూ వారికీ గ్రీన్ సిగ్నల్ ఇస్తున్నాడు. రీసెంట్ గా భీష్మ డైరెక్టర్ వెంకీ కుడుములతో ఓ సినిమా చేసేందుకు ఓకే చెప్పాడు. ఇందులో హీరోయిన్గా అనుష్క ను ఫిక్స్ చేశారట చిత్ర యూనిట్.
ఇప్పటికే ఆమెను సంప్రదించి కథను కూడా వివరించారని తెలిసింది. కథ నచ్చి అనుష్క కూడా ఓకే చెప్పేందుకు సిద్ధమైందట. త్వరలోనే దీనిపై అధికార ప్రకటన వచ్చే అవకాశముంది. ఇది కనుక నిజమైతే ఫ్యాన్స్కు పండగే.అంతకుముందు చిరు-అనుష్క కలిసి ‘స్టాలిన్’ సినిమాలో ఓ ప్రత్యేక గీతంలో కలిసి చిందులేశారు. కాగా, చిరంజీవి.. ప్రస్తుతం ‘గాడ్ఫాదర్’, ‘భోళాశంకర్’, ‘వాల్తేరు వీర్రాజు’ సినిమాల్లో నటిస్తున్నారు.
