సమంత – నాగ చైతన్య లు ప్రేమించి పెళ్లి చేసుకున్నారు..ఆ తర్వాత కొంతకాలానికి విడాకులు తీసుకొని అందరికి షాక్ ఇచ్చారు. విడాకులు తీసుకున్నట్లు ఇద్దరు తెలిపారు కానీ ఎందుకు తీసుకోవాల్సి వచ్చిందో తెలుపలేదు. ఇప్పటికే అభిమానుల్లో ఈ ప్రశ్న అలాగే ఉండిపోయింది. తాజాగా సమంత నోరు విప్పినట్లు తెలుస్తుంది. సీజన్‌-7లో భాగంగా ఇటీవలే ఆమె ‘కాఫీ విత్‌ కరణ్‌’ షోలో పాల్గొన్నారు. ఈ సందర్భంగా సినిమా కెరీర్‌తో పాటు, నాగచైతన్య బంధానికి ఎందుకు ముగింపు పలకాల్సి వచ్చిందో కూడా చెప్పినట్లు బాలీవుడ్‌ వర్గాల సమాచారం. డిస్నీ+హాట్‌స్టార్‌ వేదికగా జులై 7న ఈ ఎపిసోడ్‌ టెలికాస్ట్‌ కానుందట. ప్రస్తుతం సోషల్‌ మీడియాలో ఈ వార్తలు వైరల్‌ అవుతుండటం వల్ల ఈ షో ఎప్పుడెప్పుడు చూద్దామా? అని ఇటు సామ్ అభిమానులతో పాటు అటు చైతూ ఫ్యాన్స్‌ ఆసక్తిగా ఎదురు చూస్తున్నారు.
ఇక సామ్ – చైతు సినిమాల విషయానికి వస్తే.. శాకుంతలం, యశోద చిత్రాలతో సమంత ప్రేక్షకుల ముందుకు రానుంది. విజయ్దేవరకొండతో ఖుషి సినిమాలో నటిస్తోంది. మరోవైపు నాగ చైతన్య నటించిన ‘లాల్ సింగ్ చద్ధా’, ‘థ్యాంక్యూ’ విడుదలకు సిద్ధంగా ఉన్నాయి. ఇంకా మరిన్ని ప్రాజెక్ట్స్లో నటిస్తూ బిజీగా ఉన్నారు.
