Chiranjeevi: మెగాస్టార్ చిరంజీవి నటిస్తున్న కొత్త సినిమాకు సంబంధించిన ఓ ఆసక్తికర వార్త ప్రస్తుతం సోషల్ మీడియాలో తెగ చక్కర్లు కొడుతోంది. తాజా బజ్ ప్రకారం.. ఈ కొత్త చిత్రంలో ప్రముఖ నటుడు శరత్కుమార్ ఒక కీలక పాత్రలో నటించనున్నట్లు ప్రచారం జరుగుతోంది. అయితే ఈ వార్తపై చిత్ర బృందం నుంచి ఇప్పటివరకు ఎలాంటి అధికారిక ప్రకటన బయటకి రాలేదు.
ఈ వార్త నిజమైతే చిరంజీవి, శరత్కుమార్ కాంబినేషన్ మూడోసారి ప్రేక్షకుల ముందుకు రానుంది. గతంలో వీరిద్దరూ 1991లో విడుదలైన ‘గ్యాంగ్ లీడర్’, ‘స్టువర్ట్పురం పోలీస్ స్టేషన్’ చిత్రాల్లో కలిసి నటించారు. అందులో ‘గ్యాంగ్ లీడర్’ భారీ విజయాన్ని అందుకుని తెలుగు సినీ చరిత్రలో క్లాసిక్ కమర్షియల్ చిత్రంగా నిలిచిన సంగతి తెలిసిందే. దాదాపు 35 ఏళ్ల విరామం తర్వాత మరోసారి ఈ ఇద్దరు సీనియర్ నటులు ఒకే సినిమాలో కనిపించే అవకాశముండటంతో మెగా అభిమానుల్లో ఈ కొత్త సినిమాపై ప్రత్యేకమైన ఆసక్తి నెలకొంది. ముఖ్యంగా ఈ సరికొత్త చిత్రంలో శరత్కుమార్కు ముఖ్యమైన పాత్రను మేకర్స్ డిజైన్ చేసినట్లు ఇండస్ట్రీ వర్గాల్లో జోరుగా ప్రచారం సాగుతోంది. అయితే ప్రస్తుతం ఇవన్నీ సోషల్ మీడియాలో వైరల్ అవుతున్న ప్రచారమే అని, చిత్ర బృందం నుంచి అధికారిక ప్రకటన వెలువడిన తర్వాతే ఈ వార్తపై పూర్తి స్పష్టత రానుందని ట్రేడ్ వర్గాలు అభిప్రాయపడుతున్నాయి. ఒకవేళ ఈ కాంబినేషన్ నిజమైతే, మరోసారి చిరంజీవి-శరత్కుమార్ స్క్రీన్ ప్రెజెన్స్ను ఎంజాయ్ చేయడానికి అభిమానులు ఎంతో ఆసక్తిగా ఎదురుచూస్తున్నారు.
