Annapurna Studios: తెలుగు చిత్ర పరిశ్రమలో నిర్మాణ సంస్థగా ప్రత్యేక గుర్తింపు తెచ్చుకున్న అన్నపూర్ణ స్టూడియోస్.. ఇప్పుడు పంపిణీ రంగంలోనూ తన పరిధిని మరింత విస్తరిస్తోంది. తెలుగు రాష్ట్రాల్లో డిస్ట్రిబ్యూషన్ నెట్వర్క్ను బలోపేతం చేసుకుంటూ.. ప్రేక్షకుల్లో మంచి అంచనాలు ఉన్న పలు ఆసక్తికరమైన చిత్రాల థియేట్రికల్ డిస్ట్రిబ్యూషన్ రైట్స్ను దక్కించుకుంటోంది. ఇటీవల దుల్కర్ సల్మాన్ నటించిన ‘ఐ యామ్ గేమ్’ (I’m Game) చిత్రాన్ని తెలుగు రాష్ట్రాల్లో విడుదల చేసిన అన్నపూర్ణ స్టూడియోస్.. తాజాగా మరికొన్ని క్రేజీ ప్రాజెక్టులను ప్రేక్షకుల ముందుకు తీసుకొచ్చేందుకు రెడీ అవుతోంది. ఇందులో భాగంగా కార్తీ ప్రధాన పాత్రలో నటిస్తున్న ‘సర్దార్ 2’తో పాటు యూత్ఫుల్ ఎమోషనల్ డ్రామాగా రూపొందుతున్న ‘ఎపిక్’ (EPIC) చిత్రాల పంపిణీ రైట్స్ను కూడా అన్నపూర్ణ స్టూడియోస్ సొంతం చేసుకున్నట్లు తెలుస్తోంది.
విభిన్న కథాంశాలు, వైవిధ్యమైన కంటెంట్తో రూపొందుతున్న సినిమాలను తెలుగు ప్రేక్షకులకు అందించడంపై అన్నపూర్ణ స్టూడియోస్ ప్రత్యేకంగా దృష్టి సారిస్తోంది. ఇప్పటికే నిర్మాణ రంగంలో ఎన్నో సక్సెస్ఫుల్ చిత్రాలను అందించిన ఈ సంస్థ.. ఇప్పుడు డిస్ట్రిబ్యూషన్ విభాగంలోనూ తన కార్యకలాపాలను విస్తరించేందుకు ప్రణాళికాబద్ధంగా ముందుకు సాగుతున్నట్లు తెలుస్తోంది. ముఖ్యంగా ప్రేక్షకుల్లో ఆసక్తి ఉన్న సినిమాలను ఎంపిక చేసుకుని వాటిని తెలుగు రాష్ట్రాల్లో విస్తృతంగా విడుదల చేయడంపై సంస్థ ఫోకస్ పెట్టినట్లు సమాచారం. ఈ క్రమంలో రాబోయే రోజుల్లో మరిన్ని క్రేజీ చిత్రాల పంపిణీ హక్కులను కూడా అన్నపూర్ణ స్టూడియోస్ దక్కించుకునే అవకాశం ఉందని సినీ వర్గాల్లో టాక్ వినిపిస్తోంది. నిర్మాణ రంగంతో పాటు పంపిణీ రంగంలోనూ తన మార్క్ చూపించేందుకు అన్నపూర్ణ స్టూడియోస్ వేస్తున్న అడుగులు ప్రస్తుతం టాలీవుడ్లో ఆసక్తికరంగా మారాయి. వరుస చిత్రాల పంపిణీతో తెలుగు రాష్ట్రాల్లో తన నెట్వర్క్ను మరింత బలోపేతం చేసుకునే దిశగా సంస్థ సాగుతున్నట్లు తెలుస్తోంది.
