Siddharth Galla: సూపర్ స్టార్ మహేష్ బాబు కుటుంబంలో శుభకార్యం జరిగింది. మహేష్ బాబు మేనల్లుడు, సిద్ధార్థ్ గల్లా తన ప్రేయసి, దక్షిణ కొరియాకు చెందిన హ్యెయిన్ కిమ్‌తో నిశ్చితార్థం చేసుకున్నారు. అత్యంత ఆత్మీయుల సమక్షంలో ఈ వేడుక ఘనంగా నిర్వహించగా, ఘట్టమనేని కుటుంబ సభ్యులు, సన్నిహితులు హాజరై నూతన జంటను ఆశీర్వదించారు. ప్రస్తుతం ఈ నిశ్చితార్థ వేడుకకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఈ వేడుకలో సిద్ధార్థ్ గల్లా, హ్యెయిన్ కిమ్ ఎంతో అందంగా కనిపించారు. ఇద్దరూ ఉంగరాలు మార్చుకుని జీవితంలో కొత్త అధ్యాయానికి శ్రీకారం చుట్టారు.
గల్లా జయదేవ్ – పద్మావతి ఘట్టమనేని దంపతుల కుమారుడు సిద్ధార్థ్ గల్లా. ఒక యువ వ్యాపారవేత్తగా తన కంటూ ఒక ప్రత్యేక గుర్తింపు సొంతం చేసుకున్న ఆయన ఇప్పుడు, వ్యక్తిగత జీవితంలో కూడా కొత్త అడుగు వేయడం అభిమానులను ఆనందానికి గురిచేసింది. దక్షిణ కొరియాకు చెందిన హ్యెయిన్ కిమ్‌తో ఆయన ప్రేమ బంధం ఇప్పుడు అధికారికంగా నిశ్చితార్థంతో మరో స్థాయికి చేరింది. సిద్ధార్థ్ గల్లా నిశ్చితార్థం సందర్భంగా ఆయనకు అభిమానులు, సినీ ప్రముఖులు, స్నేహితులు సోషల్ మీడియా ద్వారా శుభాకాంక్షలు తెలియజేస్తున్నారు. ప్రస్తుతం సిద్ధార్థ్ గల్లా నిశ్చితార్థం ఫోటోలు సోషల్ మీడియాలో వైరల్‌గా మారాయి.
