యాక్షన్ చిత్రాల దర్శకుడిగా బోయపాటి శ్రీనుకు కావల్సినంత పేరుంది. లెజెండ్తో మరో సూపర్ హిట్ కొట్టి…. హీరోల్ని, పరిశ్రమ వర్గాల్నీ మళ్లీ ఆకర్షించాడు. అయితే.. మెగా హీరోలతో సినిమా చేసే అవకాశం వచ్చినట్టే వచ్చి చేయి జారిపోతోంది. ముందు రాంచరణ్తో ఓ సినిమా ప్లాన్ చేశాడు. ఎందువల్లో అది వర్కవుట్ కాలేదు. ఆ తరవాత అల్లు అర్జున్తో అనుకొన్నాడు. అదీ కార్యరూపం దాలచ్చలేదు. ఇప్పుడు మరో మెగాహీరోకి కథ వినిపించే పనిలో పడ్డాడు. నాగబాబు తనయుడు వరుణ్తేజ్ హీరోగా ఎంట్రీ ఇస్తున్నాడు. శ్రీకాంత్ అడ్డాల దర్శకత్వంలో ఓ చిత్రం రూపుదిద్దుకొంటోంది. ఆ తరవాత.. బోయపాటి శ్రీనుతో ఓ సినిమా చేసే అవకాశాలున్నట్టు పరిశ్రమ వర్గాలు చెబుతున్నాయి. ఈ చిత్రానికి సి. కల్యాణ్ నిర్మాతగా వ్యవహరిస్తారట. మొత్తానికి మెగాహీరోలతో సినిమా చేసే అవకాశాన్ని మాత్రం వదులుకోలేదు శ్రీను..