పాన్ ఇండియా స్టార్ ప్రభాస్ హీరోగా క్రియేటివ్ డైరెక్టర్ నాగ్ అశ్విన్ దర్శకత్వంలో తెరకెక్కుతున్న సైన్స్ ఫిక్షన్ మూవీ ‘ప్రాజెక్ట్ కే’. ప్రముఖ నిర్మాణ సంస్థ వైజ‌యంతీ మూవీస్ అత్యంత భారీ స్థాయిలో ఈ చిత్రాన్ని నిర్మిస్తోంది. ఇక అత్యంత భారీ బడ్జెట్ తో తెరకెక్కుతున్న ఈ సినిమాలో బాలీవుడ్ స్టార్ అమితాబ్ బ‌చ్చ‌న్‌ కీలక పాత్ర పోషిస్తుండగా, కమల్ హాసన్ ప్రతి నాయకుడి పాత్రలో కనిపించబోతున్నాడు. ఇక ప్రభాస్‌కు జోడీగా దీపికా పదుకొనే, దిశా పటానీ నటిస్తున్నారు.
ఇదిలావుంటే జూలై 20, 2023న అమెరికాలోని శాన్ డియాగో కామిక్-కాన్ ఈవెంట్ లో Project K మూవీ టైటిల్ ఆవిష్కరిస్తున్నట్లు ఇటీవల చిత్రబృందం ప్రకటించిన సంగతి తెలిసిందే. అయితే ఇప్పుడు మరో అప్డేట్ అందించింది చిత్రబృందం. అదేంటంటే ఈ సినిమా నుంచి ఫస్ట్ గ్లింప్స్‌ను జూలై 20న అమెరికాలో, జూలై 21న ఇండియాలో విడుదల చేయనున్నట్లు పోస్టర్ రిలీజ్ చేసారు మేకర్స్. అనౌన్స్‌మెంట్ పోస్టర్‌లో ప్రభాస్ మరియు అమితాబ్ బచ్చన్‌లు పిడికిలి కొట్టడం కనిపిస్తుంది. ఇక ఈ వేడుకకు ప్రభాస్, కమల్ హాసన్, దీపికా పదుకొనే, నాగ్ అశ్విన్ హాజరుకానున్నారు. కాగా ఈ సినిమా జనవరి 12, 2024న సంక్రాంతి సందర్భంగా ప్రపంచవ్యాప్తంగా ప్రేక్షకుల ముందుకు రానుంది.
