ఆంధ్ర రాష్ట్ర రాజకీయాలు మారబోతున్నాయా..? ఒంటరి అనుకున్న వారు కలవబోతున్నారా…? చంద్రబాబు ను ఓడించేందుకు మాస్టర్ ప్లాన్ వేసారా..? ఇక బాబు పని అయిపోయినట్లేనా…? రాబోయేది జగన్ రోజులేనా..? ప్రస్తుతం ఇవే మాటలు ఆంధ్రప్రదేశ్ రాష్ట్రంలో మాట్లాడుకుంటున్నారు. మొన్నటి వరకు జనసేన , వైసీపీ పార్టీలు వేరు వేరుగా ఎన్నికల బరిలో దిగబోతున్నాయని ప్రచారం జరిగింది. కానీ ప్రస్తుతం మాత్రం వైసీపీ – జనసేన పొత్తుగా బరిలోకి దిగబోతున్నాయని అంటున్నారు.
తాజాగా హైదరాబాద్ లో కొంతమంది వైసీపీ కీలక నేతలు – జనసేన నేతలు సమావేశమై పొత్తు గురించి మాట్లాడినట్లు తెలుస్తుంది. జగన్ కొన్ని సీట్లను జనసేనకు కేటాయించాలని.. ఉభయ గోదావరి జిల్లాల్లో కొన్ని సీట్లను జనసేన కోసం త్యాగం చేయాలని.. ఇరువురూ ఒక రాజీ ఫార్ములాకు రావాలని ఆ నేతలు మాట్లాడుకున్నట్లు సమాచారం. జగన్ – పవన్ లు కలిస్తే తెలుగుదేశం పార్టీ అడ్రస్ ఉండదని.. వారు అభిప్రాయపడినట్టుగా సమాచారం. ఈ విషయంలో జగన్ కు – పవన్ కు సలహా ఇవ్వాలని.. పొత్తుకు చేతులు కలపాల్సిందిగా కోరాలని ఆ ఇరు నేతలు భావిస్తున్నారట.
మరి వారి కోరిక పట్ల పవన్ – జగన్ ఏమంటారో చూడాలి. వాస్తవానికి ప్రస్తుతం సమయం చాల తక్కువగా ఉంది. ఏ నిర్ణయం తీసుకున్న త్వరగా తీసుకోవాలి. మరి వీరిద్దరూ కలుస్తారో లేదో చూద్దాం.
