టెక్నాలజీని వాడుకోవటంలో ఎప్పుడూ ముందుటారు ఏపీ ముఖ్యమంత్రి చంద్రబాబు నాయుడు. తాజాగా ఆయన రికార్డ్ స్థాయిలోలో టెలీకాన్ఫరెన్స్‌ నిర్వహించారు. నవ నిర్మాణ దీక్ష మూడో రోజు కార్యక్రమాలకు సంబంధించి మొత్తం 6వేల మందితో ఒకేసారి టెలీకాన్ఫరెన్స్‌ జరిపారు.ఈ సందర్భంగా మాట్లాడిన చంద్రబాబు.. ఈ నెల 5న ప్రపంచ పర్యావరణ దినోత్సవాన్ని పురస్కరించుకుని రేపు ప్రతి నియోజకవర్గంలోనూ వెయ్యి మొక్కలు నాటాలని జన్మభూమి కమిటీ సభ్యులు, అధికారులు, ప్రజాప్రతినిధులకు సూచించారు. అలాగే ఇంటికో ఇంకుడు గుంత, పొలానికో పంటకుంట, ప్రతి వూరికి ఓ వనాన్ని ఏర్పాటు చేసుకునేందుకు ప్రజలంతా ముందుకు రావాలని పిలుపునిచ్చారాయన.
