మాజీ మంత్రి, తెదేపా నేత పరిటాల రవి ఎనిమిదో వర్థంతి సందర్భంగా ఈరోజు (గురువారం) అనంతపురం జిల్లా వెంకటాపురంలోని పరిటాల ఘాట్ వద్ద ఆయన సతీమణి పరిటాల సునీత మరియు కుటుంబ సభ్యులు నివాళులు అర్పించారు. ఈ సందర్భంగా ఎమ్మెల్యే సునీత మాట్లాడుతూ… తెలుగుదేశం పార్టీ అధినేత నారా చంద్రబాబునాయుడు ఆదేశిస్తే 2014 లో పరిటాల శ్రీరాం ఎన్నికల్లో పోటీ చేస్తాడని..చెప్పారు. శ్రీరాం కూడా తన తండ్రిలాగానే ఎప్పుడు ప్రజల గురించి ఆలోచిస్తాడని తెలిపారు. ఈ ప్రకటనతో అనంతపురం తెదేపా కార్యకర్తలు హర్షం వ్యక్తం చేశారు.
