విజయవాడ టీడీపీ ఎమ్మెల్యే బోండా ఉమా భార్య సుజాతపై పోలీసు కేసు నమోదైంది. స్వాతంత్ర్య సమరయోధుల భూమిని తప్పుడు పత్రాలతో ఎమ్మెల్యే అనుచరులు తనఖా రిజిస్ట్రేషన్ చేయించుకున్నారని బాధితులు సీఐడిని ఆశ్రయించారు. సీఐడీ దర్యాప్తులో సుజాతతో పాటు మరో 8 మంది దోషులుగా తేలినట్టు తెలుస్తోంది.
గతంలోనూ ఎమ్మెల్యే బోండా ఉమా భార్య సుజాత పై భూ ఆక్రమణ ఆరోపణలు వచ్చాయి. ఇప్పుడు ఏకంగా స్వాతంత్ర్య సమరయోధుల భూమి ఆక్రమణ విషయంలోనూ ఆమె పేరు తెరపైకి వచ్చింది. మరీ… ఈ కేసు ఏ మలుపు తిరుగుతుంది ? ఇందులో ఎమ్మెల్యే బోండా పాత్ర ఏమైనా ఉందా ? అనేది తెలియాల్సి ఉంది. ఈ ఏపీసోడ్ లో ప్రతిపక్షాలు టీడీపీని టార్గెట్ చేసే ఛాన్స్ కనబడుతోంది.
