ఐపీఎల్ సీజన్-12 తొలి మ్యాచ్‌లో బెంగళూరుపై చెన్నై సూపర్ కింగ్స్ బోణీ కొట్టింది. టాస్ గెలిచి ఫీల్డింగ్ ఎంచుకున్న చెన్నై జట్టు వ్యూహం ఫలించింది. తొలుత బ్యాటింగ్ చేసిన బెంగళూరు ఇచ్చిన 70 పరుగుల లక్ష్యచేధన కోసం బ్యాటింగ్‌కు దిగిన చెన్నై17.4 ఓవర్లలో మూడు వికెట్లు కోల్పోయి టార్గెట్ ను చేధించింది.
రాయల్‌ ఛాలెంజర్స్‌ బెంగళూరు నిర్దేశించిన 71 పరుగుల లక్ష్యాన్ని 3 వికెట్ల నష్టపోయి 17.4 ఓవర్లలో అలవోకగా ఛేదించింది. అంబటి రాయుడు (28 ) రాణించాడు. సురేశ్‌ రైనా (19; ), కేదార్‌ జాదవ్‌ (13 ), రవీంద్ర జడేజా (6; ) అజేయంగా నిలిచారు. అంతకు ముందు టాస్ ఓడి బ్యాటింగ్‌కు దిగిన రాయల్‌ ఛాలెంజర్స్‌ బెంగళూరును చెన్నై బౌలర్లు భారీ దెబ్బకొట్టారు. ఇమ్రాన్ తాహిర్‌ (3/9), రవీంద్ర జడేజా (2/15), హర్భజన్‌ సింగ్‌ (3/20) రాణించారు. వీరి ధాటికి కోహ్లీసేన విలవిల్లాడింది.
