The Bhoothni : “ఏమైపోతుందో?” అనే ఉత్కంఠతో ప్రేక్షకులను సీటుకి కట్టిపడేసే జోనర్ అంటే హారర్-థ్రిల్లర్. ఇలాంటి సినిమాలు ఎప్పటికప్పుడు కొత్తగా ఉండాలని ప్రేక్షకులు కోరుకుంటారు. కానీ ఈ జోనర్లో విజయం పొందాలంటే కంటెంట్లోనే మాయ ఉండాలి — గ్లామర్, భారీ సెట్స్ కాదు!
ఇలాంటి నేపథ్యంలో భారీ అంచనాలతో విడుదలైన సినిమా ‘ది భూత్ నీ’. సన్నీ సింగ్, మౌనీ రాయ్, సంజయ్ దత్ కీలక పాత్రల్లో నటించగా, దర్శకత్వం వహించినది సిద్ధాంత్ సచ్ దేవా. సంజయ్ దత్ నిర్మాణంలో కూడా భాగస్వామిగా ఉన్న ఈ చిత్రం మే 1న థియేటర్లకు వచ్చింది. అయితే, ఊహించిన విజయం మాత్రం అందుకోలేకపోయింది. ₹30 కోట్ల బడ్జెట్తో వచ్చిన సినిమా, కేవలం ₹14 కోట్లే కలెక్ట్ చేసింది.
కాని హారర్ అభిమానులకి ఓటీటీలో చూసేదాకా ప్రశాంతం రాదు కదా! అందుకే ఈ సినిమా ఇప్పుడు జీ5 ఓటీటీ ప్లాట్ఫారమ్లో జూలై 18 నుండి స్ట్రీమింగ్కి సిద్ధమవుతోంది. అధికారికంగా ప్రకటన కూడా వచ్చేసింది.
కథ విషయానికొస్తే… కాలేజ్ క్యాంపస్లో ఉన్న ఓ పురాతన చెట్టు… దానిపై దయలేని ఆత్మ ఉనికిని చాటుకుంటుంది. ఓ యువకుడు చేసిన పొరపాటుతో ఆ ఆత్మ మళ్లీ మేల్కొంటుంది. దాంతో ఊహించనివిధంగా మొదలవుతుంది ఓ రక్త హీన గాథ!
ఇప్పుడు ప్రశ్న అదే… థియేటర్లో ఫెయిల్ అయినా, ఓటీటీపై భయపెట్టగలదా ఈ ‘భూత్’?
