TheParadise: టాలీవుడ్లో మోస్ట్ అవేటెడ్ ప్రాజెక్ట్గా తెరకెక్కుతున్న మూవీ ‘#TheParadise’. శ్రీకాంత్ ఓదేల దర్శకత్వంలో నాచురల్ స్టార్ నానీ నటిస్తున్న ఈ సినిమా షూటింగ్ ప్రస్తుతం శరవేగంగా సాగుతోంది. ఈ చిత్రానికి సంబంధించిన ఒక క్రేజీ అప్డేట్ తాజాగా ఫిల్మ్ నగర్ వర్గాల్లో హల్చల్ చేస్తోంది. ఎలాగైనా సరే ఈ నెలాఖరు (జూన్) లోపు సినిమాకు సంబంధించిన పూర్తి టాకీ పార్ట్ షూటింగ్ను ముగించాలని చిత్ర యూనిట్ గట్టి పట్టుదలతో ఉందట. దర్శక నిర్మాతలు పక్కా ప్లానింగ్తో షెడ్యూల్స్ డిజైన్ చేయడంతో, టాకీ పార్ట్ దాదాపు ముగింపు దశకు చేరుకుందని సమాచారం.
ఈ నెలాఖరుకల్లా ఈ మేజర్ పార్ట్ పూర్తయితే, ఇక ఆ తర్వాత కేవలం పాటలు, పోస్ట్ ప్రొడక్షన్ పనులు మాత్రమే మిగిలి ఉంటాయని తెలుస్తోంది. టాకీ పార్ట్ పూర్తయిన వెంటనే గ్రాఫిక్స్, ఎడిటింగ్, డబ్బింగ్ వంటి పనులను వేగవంతం చేయాలని మేకర్స్ భావిస్తున్నారట. ఈ అప్డేట్తో సినిమా అనుకున్న సమయానికే థియేటర్లలోకి వచ్చే అవకాశాలు పుష్కలంగా కనిపిస్తున్నాయని నానీ ఫ్యాన్స్ మస్త్ ఖుషీ అవుతున్నారు. ఇప్పటికే ఈ చిత్రంపై ట్రేడ్ వర్గాల్లోనూ భారీ అంచనాలు ఉన్నాయి. ఇప్పటి వరకు ఉన్న సమచారాం ప్రకారం ఈ చిత్రం ఆగస్టు 21న ప్రేక్షకుల ముందుకు వస్తుంది. త్వరలోనే ఈ సినిమా నుంచి మరిన్ని అప్డేట్స్ వచ్చే అవకాశం ఉందని చెబుతున్నారు.
