VenkyAnil5: విక్టరీ వెంకటేష్, నందమూరి కళ్యాణ్ రామ్ ప్రధాన పాత్రల్లో స్టార్ డైరెక్టర్ అనిల్ రావిపూడి తెరకెక్కిస్తున్న ప్రతిష్ఠాత్మక చిత్రం ‘VenkyAnil5’పై రోజురోజుకూ అంచనాలు పెరుగుతున్నాయి. తాజాగా ఈ సినిమాకు సంబంధించిన ఓ ఆసక్తికరమైన వార్త సోషల్ మీడియాలో వైరల్ అవుతోంది. ట్రేడ్ వర్గాల సమాచారం ప్రకారం.. ఈ చిత్రం డిజిటల్ స్ట్రీమింగ్ రైట్స్ను ప్రముఖ OTT సంస్థ ZEE5 సొంతం చేసుకున్నట్లు ప్రచారం జరుగుతోంది. OTT రైట్స్పై అధికారిక ప్రకటన ఇంకా వెలువడనప్పటికీ, ZEE5 ఈ సినిమా డిజిటల్ స్ట్రీమింగ్ హక్కులను దక్కించుకుందనే వార్త ఇప్పుడు సినీ వర్గాల్లో హాట్ టాపిక్గా మారింది. థియేటర్లలో విడుదల అనంతరం ఈ చిత్రం ZEE5లో స్ట్రీమింగ్ కానున్నట్లు జోరుగా ప్రచారం జరుగుతోంది.
ఈ సినిమాలో వెంకటేష్, కళ్యాణ్ రామ్, కీర్తి సురేష్, కృతి శెట్టి కీలక పాత్రల్లో నటిస్తున్నారు. భారీ తారాగణంతో తెరకెక్కుతున్న ఈ చిత్రాన్ని అనిల్ రావిపూడి తనదైన కమర్షియల్ ఎంటర్టైన్మెంట్ శైలిలో రూపొందిస్తున్నారని సమాచారం. వెంకటేష్ – అనిల్ రావిపూడి కాంబినేషన్కు ఉన్న క్రేజ్, కళ్యాణ్ రామ్ కీలక పాత్రలో నటిస్తుండటంతో ఈ సినిమాపై భారీ అంచనాలు ఉన్నాయి. ఈ క్రేజీ చిత్రాన్ని వచ్చే ఏడాది సంక్రాంతి టార్గెట్గా ప్రేక్షకుల ముందుకు తీసుకురావాలని మేకర్స్ నిర్ణయించినట్లు సమాచారం. త్వరలోనే చిత్ర బృందం నుంచి OTT డీల్తో పాటు సినిమా విడుదల తేదీపై అధికారిక ప్రకటన వచ్చే అవకాశముందని సినీ వర్గాలు అభిప్రాయపడుతున్నాయి.
