సామాజిక నెట్ వర్క్ వెబ్ సైట్ ఫేస్ బుక్ ఇప్పుడు సరికొత్త సర్చ్ సదుపాయాన్ని నెటిజన్ల ముందుకు తీసుకొచ్చింది. ప్రాంతాలు, వ్యక్తులు, ఇతర సమాచారం గురించి ఒకేసారి వెతికే ఈ సదుపాయాన్ని కంపెనీ సీఈవో మార్క్ జుకెర్ బర్గ్ కాలిఫోర్నియాలో ఆవిష్కరించారు. గ్రాఫ్ సర్చ్ పేరుతో బీటా వర్షన్ ను వినియోగదారులకు అందుబాటులోకి తీసుకొచ్చారు. ఫేస్ బుక్ సైట్ లో ప్రతి వెబ్ పేజీలో టాప్ లో కనిపించే ఈ టూల్ తో వ్యక్తులు, ఫొటోలు, ప్రదేశాలతో పాటు ఇతర సమాచారాన్ని సులభంగా పొందవచ్చు. ఈ కొత్త సదుపాయం ఫేస్ బుక్ వైపు మరింత మందిని ఆకర్షిస్తుందన్న నమ్మకాన్ని కంపెనీ ప్రతినిధులు వ్యక్తం చేశారు.
